Ахсынньы 8 күнэ - Федор Кузьмич Попов 100 сааһа! 

Саха чулуу уола, биир дойдулаахпыт, сахалартан бастакы Сэбиэскэй Сойуус Геройа Федор Кузьмич Попов 100 сааһын көрсө,  сырдык аатын үйэтитиигэ оскуолабытыгар араас хабааннаах тэрээһиннэр ыытылыннылар. Сүрүн сыалынан Герой Попов сырдык аатын үйэтитэн, кэлэр көлүөнэ ыччакка  патриотическай тыыны иҥэрии буолар. Ахсынньы 1 күнүттэн 10 күнүгэр дылы Герой сүүс сааһын көрсө декада биллэриллибитэ. Декада чэрчитинэн дириҥ ис хоһооннох, патриотическай тыыннаах тэрээһиннэр буоллулар. Федор Кузьмич Попов тус олоҕун, хорсун быһыытын сырдатар, үөрэтэр кылаас чаастара, уруоктар ыытылыннылар. Байыаннай ырыа бэстибээлэ, буулдьанан ытыы күрэҕэ, үс күн устата кинозал үлэлиэҕэ. Кылаастар альбом-рапортары оҥорон бэлэмнээтилэр. 5 "в" кылаас үөрэнээччилэрэ байыаннай-патриотическай «Юнармия» хамсааһын чилиэттэригэр сүрэхтэниилэрэ ахсынньы 10 күнүгэр буолуоҕа.